توشی شۆكت دەكات، چینییەكان زەیتی خواردن لەئاوی زێرابەكان دروست دەكەن

11/02/2020 - 11:12 بڵاوکراوەتەوە لە هەواڵ/گشتی

 


بە گوێرەی ڕاپۆرتێك كە كوردیو دەقی ڕاپۆرتەكەی داناوە، ژمارەیەك لە هاوڵاتیانی چینیی زەیتی خواردن لە ئاوەڕۆیی پیسی ناو مەزراكان درووست دەكەن و ئەو كارەش سزایەكی توندی لەلایەن ئەو وڵاتەوە بۆ دانراوە.

 

ڕۆژنامەی Daily Star، ڕاپۆرتێكی بڵاوكردەو ئاماژەی بەوەكرد: ژمارەیەك لە هاوڵاتیانی چینیی بۆ درووستكردنی زەیتی خواردن سوود لە ئاوەڕۆی پیسی ناو مەزراكان وەردەگرن.

 

ئەو ڕاپۆرتە ئاماژەی بەوەشكردووە: لەدوای دروستكردنی ئەو ڕۆنە ئەو هاوڵاتیانە بە نرخێكی كەم بە چێشتخانەكانی دەفرۆشن و ئەوانیش بۆ درووستكردنی جۆرە خواردنێكی تایبەت بە ناوی سیچوان بەكاری دەهێنن.

 

هەروەها لە ڕاپۆرتەكەدا ئەوەش هاتووە: لەئێستادا حكومەتی چین بە توندی هۆشداری بەو كەسانە داوە كە ئەو ڕۆنە بەرهەم دەهێنن و بەكاری دەهێنن كە سزایی هەتا هەتایی دەبێت.



جێگەی باسە ماوەی چەند هەفتەیەكە ڤایرۆسێك بەناوی كۆرۆنا لە چین بڵاوبووەتەوەو بەپێی زانیارییەكانیش تاوەكو ئێستا هەزاران هاوڵاتی توشی ئەو ڤایرۆسە بون و سەدان هاوڵاتیش گیانیان لەدەستداوە.