فەرمی ... گەشتی عومرە بۆ سعودیە راگیرا

27/02/2020 - 09:18 بڵاوکراوەتەوە لە هەواڵ/گشتی

 

بەرپرسانی وڵاتی سعودیە بۆ رێگریكردن لە تەشەنەی ڤایرۆسی كۆرۆنا ، بەفەرمی بریاریدا بە راگرتنی گەشتی عومرە بۆ هاوڵاتیانی بیانی تا كاتێكی نادیار.

وەزارەتی دەرەوەی سعودیە لە بەیاننامەیەكی فەرمی رایگەیاند : " بۆ رێگریكردن لە تەشەنەكردنی ڤایرۆسی كۆرۆنا ، بریارماندا بە راگرتنی گەشتەكانی عومرە و گەشتی گەشتیاری بۆ سعودیە ، تا كاتێكی نادیار".

سعودیە لەماوەی ساڵێكدا بۆ هەردوو مەناسكی عومرە و حەجی پیرۆز پێشوازی لە هاوڵاتیانی زیاتر (49) وڵات دەكات ، تا ئەمرۆش هیچ حاڵەتێكی ڤایرۆسەكە لە وڵات تۆمارنەكراوە.

تا ئێستا دیار نییە ئاخۆ كەی دەست بە گەشتەكان دەكرێتەوە ، چونكە لە بەیاننامەكەی وەزارەتی دەرەوەی سعودیە باسی كاتی دەستپێكردنەوە نەكراوە، هەروەها كاریگەری لەسەر وەرزی حەج دەبێت یان نا كە لەكۆتاییەكانی مانگی تەمموز دەستپێدەكات.