حه‌له‌ب... له‌ هێرشێكی ئاسمانیدا 53 كه‌س كوژران

سێ شەممە, 14 تشرینی دووەم 2017 10:52

 

له‌ ئه‌نجامی هێرشێکی ئاسمانی بۆ سەر شارۆچکەیه‌كی پارێزگای حەلەب کە لەژێر کۆنترۆڵی هێزە ئۆپۆزسیۆنەکاندایە، ٥٣ کەس کوژران و ژماره‌یه‌كی زۆریش برینداربوون، له‌م باره‌یه‌وه‌ روانگەی سوریی بۆ مافەکانی مرۆڤ زانیاری زیاتر ئاشكرا ده‌كات.


روانگەی سوریی بۆ مافەکانی مرۆڤ بڵاویكرده‌وه‌، هێرشێكی ئاسمانی بازاڕێکی شارۆچکەی ئەتاربی لە سنوری پارێزگای حەلەب کردۆتە ئامانج،له‌ ئه‌نجامدا 53 کەس کوژران و سه‌دانی دیكه‌ش برینداربوون.


روانگەی سوریی رایگه‌یاندووه‌: تائێستا نازاندرێت ئەو هێرشە ئاسمانیە لەلایەن فڕۆکە جەنگییەکانی سوریا یاخود روسیاوە ئەنجدامدراوە.


شایه‌نی باسه‌، شارۆچکەی ئەتارب کەوتۆتە ناوچەی کەمکردنەوەی بارگرژییەکان و ئاگربەست کە پێشتر روسیا و ئێران و تورکیا لەسەری رێککەوتبوون، له‌ ئێستادا لەژێر کۆنترۆڵی هێزە ئۆپۆزسیۆنەکاندایە.

 

 

ش.م