دوای بڵاوبونەوەی هەواڵی كوژران و ناشتنی تەرمەكەی، هاوكارێكی عەلی عەبدوڵا ساڵح لە تویتەرەوە ڕزگاربوونی بڵاوكردەوە

یەک شەممە, 10 کانونی یەکەم 2017 12:29

 


دوای ئەوەی ناوەكەی لە نێو لیستی ئەو بەرپرسانەدا بڵاوكرایەوە كە لەگەڵ عەلی عەبدوڵا ساڵح سەرۆكی بيشووى یەمەن لە لایەن حوسیەكانەوە كوژراون و دواتر تەرمەكانیان نێژراوە، یاریدەدەری سكرتێری گشتی كۆنگرەی گەلی یەمەنی لە تویتەرەوە ڕزگاربوونی خۆیی لە هێرشەكەی حوسیەكان ڕاگەیاند كە ساتی هێرشەكە لەگەڵ هەریەكە لە عەلی عەبدوەڵا ساڵح و عارف زوكای ئەمینداری حیزبەكە بووە ڕۆژی یەك شەممەی ڕابردوو.

یاسر عوەزی ئەمڕۆ دوو تویتی بڵاوكردەوە و تیایدا نوسیویەتی: هەر چەندە هەلی هەڵاتنم بۆ گونجاوە لەكاتی هێرشی حوسیەكاندا بۆ ئەوەی یەمەن جێبهَێڵم بەڵام ڕەتم كردۆتەوە و ئێستا لە سەنعاوە بەرگری دەكەم بە زیندووی سەرۆكم بەجێ نەهێشتووە بە مردوویش بە جێی ناهیڵم.

ئاشكراشی كردووە توانیویەتی تەرمی چەند سەركردەیەك ڕزگار بكات لەدەستی حوسیەكان.