سوریا : ئەمریكا بە فڕۆكە چەكدارەكانی داعشی گواستۆتەوە

یەک شەممە, 31 کانونی یەکەم 2017 06:07

 

 

حكومەتی سوریا رایگەیاندووە، چەند رۆژ لەمەوبەر فڕۆكەی ئەمریكی ژمارەیەك چەكداری داعشیان بۆ شوێنێكی تر گواستۆتەوە. 

ئاژانسی سانای سوری نووسیویەتی، چەند رۆژ لەمەوبەر فڕۆكەی ئەمریكی ژمارەیەك چەكداری داعشیان لە ریفی دێرزوورەوە گواستۆتەوە بۆ باشووری شاری حەسەكە گواستۆتەوە.

ئەو سەرچاوە سورییە باسیشی لەوەكردووە، ئەو فڕۆكە ئەمریكیانە دوای نیشتنەوەیان لەخێوەتگەیەكی نزیك ریفی دێرزوور، ڕووەو شاری حەسەكە چوونەو لەگوندێك بەناوی (شعێتات) نیشتوونەتەوە.

بەپێی زانیارییەكانی ئەو سەرچاوەیە لەنێو فڕۆكەكان (47) چەكداری داعش بوونیان هەبووە، ئەوەش بۆتە مایەی نیگەرانی سوریاو رووسیا.

 

ئـ . كـ