ئەسەد چەند وەزیرێكی نوێ‌ دادەنێت

سێ شەممە, 02 کانونی دووەم 2018 06:45

 

 

تەلەفزیۆنی سوریا ڕایگەیاند، سەرۆكی وڵاتەكەی فەرمانێكی دەركردووە بۆ دیاریكردنی وەزیری نوێ بۆ هەریەكە لە وەزارەتەكانی بەرگری و ڕاگەیاندن و پیشەسازی.

تەلەفزیۆنەكە ڕایگەیاندووە، (بەشار ئەسەد) هەریەكە لە (عیماد علی عەبدولڵا ئەیوبی) وەكو وەزیری بەرگری و (موحەمەد مازن عەلی یوسف) وەكو وەزیری پیشەسازی و (عیمان عەبدولڵا سارە) ی وەكو وەزیری ڕاگەیاندن دیاریكردووە.

ئەیوب كە پێشتر سەرۆك ئەركانی سوپا بووە جێگەی وەزیری پێشوو (فەهد جاسم فەریج) دەگرێتەوە، (عەبدولڵا سارە) ش وەكوو وەزیری ڕاگەیاندن دیاریكرا.

جێگەی ئاماژەیە گۆڕانكاری لە وەزیرە گەورەكاندا شتێكی باوە لە سوریادا، ئەم گۆڕانكارییانەش لە پۆستەكانی سوپادا دوای ساڵێك دێت لە سەركەوتنەكان بەسەر چەكدارانی ئۆپۆزسیۆن و گروپە چەكدارەكانی داعشدا لە سوریا.

وادەرەكەوێت ئێستا ئەسەد لە ڕووی سوپاوە بەهێز بێت، بەڵام بەتەواوەتی پشت بە ئێران و ڕووسیاو چەكدارە شیعەكانی ئێران دەبەستێت.

هێشتا هەندێك شوێنی گرنگ لە سوریا لەژێر دەسەڵاتیدا نین و هەروەها ئابووری وڵاتەكەش لە بارێكی خراپدایە.

هەروەها ڕووسیاش هەوڵدەدات بەشێوەیەكی سیاسیانە بگاتە چارەسەرێكی ئاشتیانە بۆ كۆتایی هێنان بە جەنگی ناوخۆی سوریا.

 

ئـ . كـ