توركیا لە ریفی ئیدلەبی سوریا فڕۆكەخانە دروست دەكات

چوار شەممە, 07 شوبات 2018 19:20

 

 

سەرچاوەكانی سەر بە بەرهەڵستكارانی سوریا رایانگەیاندووە، شاندێكی سەربازی توركیا سەردانی فرۆكەخانەی تەفتەنازی ئیدلەبیان لە باكووری سوریا كردووە بۆ جێگیركردنی بنكەی سەربازی ئەنقەرە لەو شوێنە.

بەپێی هەواڵێكی ماڵپەری (رای الیوم)، سەرچاوەكانی سەر بە بەرهەڵستكارانی سوری بڵاویانكردۆتەوە، توركیا بۆ جێگیركردنی یەكەمین بنكەی ئاسمانی لە فرۆكەخانەی تەفتەناز لە ریفی ئیدلەب لە باكووری سوریا هەوڵەكانی خۆی خستۆتە گەڕ.

بە گوێرەی زانیارییەكانی ئەو سەرچاوەیە، شاندی سەربازی سوپای توركیا بە مەبەستی دروستكردنی بنكەیەكی سەربازی نوێ سەردانی فرۆكەخانەی تەفتەنازی ریفی ئیدلەبی كردووە.

ئەو شاندە سەربازییەی توركیا لە رێگەی چوار ئۆتۆمبێلەوە گەیشتوونەتە فرۆكەخانەی تەفتەناز لە نزیكی شارۆچكەی فەوعەو كەفریاو بە مەبەستی ئەنجامدانی پلانە سەرەتاییەكان بۆ دروستكردنی بنكەی سەربازی لەو شوێنە سەردانی تەواو شوێنەكانی ئەو فرۆكەخانەیان كردووە.

 

ئـ . كـ