دوای بڵاوكردنەوەی هەواڵی مردنی خامنێئی، ماڵپەری قانونی ئێرانی داخرا

یەک شەممە, 11 شوبات 2018 07:16

 

 

شەوی رابردوو چەند ماڵپەرێكی ئێرانی هەواڵی مردنی ڕێبەری باڵای ئێرانیان بڵاوكردەوە، بەڵام ئەمڕۆ یەكێك لەو ماڵپەرانە داخران.

ماڵپەری (قانون) هەواڵی كردنی (عەلی خامنێئی) ڕێبەری باڵای ئێرانی بڵاوكردەوە بەهۆی نەخۆشی شێرپەنجە گەدەوە، بەڵام ئەمڕۆ ئەو ماڵپەرە داخرا.

ماڵپەرەكە راشیگەیاند، بەهۆی مردنی ڕێبەرەوە بڕیاری ڕێپێوانی سەرتاسەری لە ئێران هەڵوەشاوەتەوە، لەگەڵ ئەوەی تاكو ئێستا هیچ سەرچاوەیەك دووپاتی هەواڵەكە یان رەتكردنەوەی هەواڵەكەی نەداوەتەوە.

لەلایەن خۆشیەوە (عەلی رەزا شاكر) سەرنووسەری پێگەی قانون رایگەیاندووە، پێگەكەیان هاك كراوە، پۆلیسی تاوانەكانی ماڵپەرەكانیش چاودێری ئەو بابەتە دەكەن.

 

ئـ . كـ