كارەساتی قوتابخانەكە ترامپی هێنایە سەر خەت

15/02/2018 - 08:37 بڵاوکراوەتەوە لە هەواڵ/گشتی

 

 

لەنێو قوتابخانەیەكی ئەمریكا قوتابییەك تەقە لە هاوپۆلەكانی دەكات و لەئەنجامیشدا چەندین قوتابی دەكوژێت.

پۆلیسی فلۆریدا بڵاویكردۆتەوە، قوتابییەك تەمەنی (19) ساڵەو بەچەكی (R15) دەستڕێژی لە هاوپۆلەكانی كردووەو لەئەنجامیشدا (17) قوتابی كوشتووەو چەندین تریش بریندار كردووە، ئەوەش نامۆترین حاڵەتە لەوەتەی (25) ساڵی رابردوودا.

قوتابییەكە ناوی (نیكۆڵاس كرۆز) ەو ماوەیەكە لە قوتابخانەكەی كە ناوی (مارگۆری ستۆنمان دۆگلاس) ە لەناوچەی (باركلاند) ی ویلایەتی فلۆریدا دەركراوەو لە ئێستاش تاوانبارەكە لەلایەن پۆلیسەوە دەستگیركراوە.

دوای رووداوەكەش (دۆناڵد ترامپ) ی سەرۆكی ئەمریكا قسەی لەگەڵ حاكمی ویلایەتی فلۆریدا كردووەو داوای كردووە لێكۆڵینەوەی وورد لەو كارەساتە بكات.

 

 

 

ئـ . كـ