ئەبو فتوح دەستگیركرا

پێنج شەممە, 15 شوبات 2018 05:46

 

 

پێشی پرۆسەی هەڵبژارنەكانی سەرۆكایەتی میسر، دەسەڵاتدارێتی ئەو وڵاتە ژمارەیەك كەسایەتی سیاسی و ناسراوی دەستگیركردووە.

كەناڵی تەلەفزیۆنی میسری بڵاویكردۆتەوە، داواكاری گشتی فەرمانی دەستگیركردنی (عەبدولـمونعیم ئەبو فتوح) ی سەرۆكی پارتی میسری بەهێزی داوە، لەگەڵ ژمارەیەك كەسایەتی سیاسی.

بەپێی زانیارییەكانی سەرچاوە هەواڵییەكان دەستگیركردنی ئەبو فتوح گوایە پەیوەندی بە چەند دۆسیەیەكی سەردەمی كۆمەڵی ئیخوان موسلیمین هەیە.
كوڕی ئەبو فتوح لە فەیس بووك بڵاویكردۆتەوە، كە باوكی لەنێو ماڵەكەی خۆی لەشاری قاهیرە لەلایەن هێزە ئەمنییەكانەوە دەستگیركراوە، پێشتر پارێزەرێكی میسری تۆمەتی

بڵاوكردنەوەی هەواڵی ناڕاست و سوكایەتی كردنی بە سیسی دابووە پاڵ ئەبو فتوح.
چەند رۆژ لەمەوبەر (ئەبو فتوح) لە دیداری بەرنامەیەكی كەناڵی جەزیرە رەخنەی لە سیسی گرتبوو كە تاكو ئێستا تەنها كاندیدی سەرۆكایەتیە بۆ هەڵبژاردنەكانی سەرۆكایەتی

میسرو راشیگەیاندبوو: لەكەیەكی گەورەیە بۆ میسر كە ڕێگەی كاندیدكردن نەبێت بۆ هەڵبژاردنەكانی سەرۆكایەتی.

 

ئـ . كـ