ئیسرائیل نەوتی لە داعش كڕیوە

پێنج شەممە, 15 شوبات 2018 08:09

 

ڕۆژنامەی " ئێدیعوت ئەحرەنۆت" ڕایدەگەیاند: ئیسرائیل لەسوریا ڕێككەوتنی نەوتی لەگەڵ ڕێكخراوی تیرۆرستی داعش هەبووە.


توما سلێمان ئەندامی پەرلەمانی ئیسرائیل بە ڕۆژنامەی " ئێدیعوت ئەحرونوت" ی ئیسرائیلی، ڕاگەیاند: بەگوێرەی ئەو بەڵگانەی كە ئاشكرا كراوە، لەماوەی ڕابردوودا ڕژێمی ئیسرائیل ڕێككەوتنی نەوتی لەگەڵ ڕێكخراوی تیرۆرستی داعش و چەند گروپێكی چەكداری لەسوریا هەبووە و نەوتی لەو ڕێكخراوە تیرۆرستیە كڕیوە.


هەروەها ئاماژەی بەوەش كرد: ئەو بەڵگانە لەڕاپۆرتەكانی ڕێكخراوی نەتەوە یەكگرتووەكان وەرگیراوە و ناوی ئیسرائیل و سەرجەم ئەو وڵاتانەی تێیدایە كەڕێككەوتنیان لەگەڵ ئەو ڕێكخراوە تیرۆرستیەدا هەبووە.


جێگای ئاماژەبۆكردنە لەگەڵ سەرهەڵدانی ڕێكخراوی تیرۆرستی داعشدا، لەلایەن ئەو ڕێكخراوەوە دەست بەسەر چەند ناوچەیەك لەسوریا و عێراقدا گیراو دەستیش بەسەر بەشێك لە گێڵگە نەوتیەكاندا گیراو ئەو ڕێكخراوە لەڕێگای فرۆشتنی نەوتی ژێر دەستیەوە توانی بواری ئابوری خۆی بەرز بكاتەوە و خەرجی و كڕینی چەك بۆ ڕێكخراوەكەی لەو ڕێگایەوە دابین بكات.

 

 

 

س ب