عێراق سەركردەیەكی تورك، نزیك لە داعش ڕادەست دەكاتەوە

پێنج شەممە, 15 شوبات 2018 09:17

 


حكومەتی عێراق شاهمەردان ساری ، سەركردەی گروپی ( وەسەت)ی ڕادەستی حكومەتی توركیا كردەوە كە ماوەی سێ ساڵە لە شاری هەولێر بە تۆمەتی تیرۆر دەستگیركراوە و گومانی بوونی پەیوەندی هەیە لەگەڵ ڕێكخراوی داعش.


ڕۆژنامەی زەمان ی توركی بڵاویكردەوە، دوای بڕیاری دادگای توركیا بە شێوەی ئامادەنەبوون بۆ شاهمەردان ساری دەری كردووە، حكومەتی عێراق بە فەرمی ئەوی بۆ فڕۆكەخانەی ئەتاتورك لە ئەستەمبوڵ گواستۆتەوە.


ساری لە ساڵی 2011 ەوە فەرمانی بەندكردنی 12 ساڵ و شەش مانگی بۆ دەرچووە بە تۆمەتی دروستكردنی گروپێكی چەكداری تیرۆریستی نزیك لە داعش و ماوەی سێ ساڵە لە عێراقدا دەستگیركراوە.


ئەو گروپە لە شاری ئادیامان ی توركیا چالاك بوون و تۆمەتبار بە هاندانی گەنجان بۆ چوونە نێو ڕیزەكانی داعش.