12 سەربازی ئیماراتی كوژران

دوو شەممە, 19 شوبات 2018 08:57

 


دەزگاكانی ڕاگەیاندنی یەمەنی بڵاویان كردەوە ئەمڕۆ دوو شەممە، 12 سەربازی ئیماراتی لەلایەن میلیشیاكانی حوسیەوە كوژراون دوای ئەوەی یەكەیەكی سوپای ئیماراتی كەوتۆتە بۆسەوە لە ناوچەی موەزەع.


بە گوێرەی زانیاریە سەرەتاییەكان هێزە ئیماراتیەكە لە چوار زرێپۆش پێكهاتووە و جگە لە كوژرانی 12 سەرباز دەنگۆی بەدیلگرتنی چەند سەربازێكی دیكەش هەیە.
هەروەك بە چڕی فڕۆكە جەنگیەكانی ئیمارات بە ئاسمانی ناوچەكەدا دەسوڕێنەوە.


ناوچەی موەزەع دەكەوێتە باشوری پارێزگای تەعز لە یەمەن و بەهۆی لایەنگری هاوڵاتیانی بۆ بزوتنەوەی ئیسڵاحی یەمەنی، حكومەتی ئیماراتی دژایەتی خەڵكەكەی دەكات و هاوكات حوسیەكانی یەمەنیش بۆردومانیان دەكەن.