هێزەكانی ئەسەد نزیك دیمەشق وێران دەكەن

چوار شەممە, 21 شوبات 2018 05:36

 

 

هێزەكانی سوریای سەربە ڕژێمەكەی ئەسەد بەشێوەیەكی چڕ بۆردومانی دوا پێگەی هێزەكانی ئۆپۆزسیۆن دەكەن و لەئەنجامیشدا سەدان كەس بوونەتە قوربانی.

شارەدێی غۆەی خۆرهەڵات كە دەكەوێتە نزیك شاری دیمەشق و بەدوا پێگەو مۆڵگەی ئۆپۆزسیۆن ئەژمار كراوە، لەلایەن هێزەكانی سەربە ئەسەد كراوەتە ئامانج و بەپێی زانیارییەكان تاكو ئێستا زیاتر لە (250) كەس كوژراون و بەسەدان كەسی تریش برینداربوونە.

ناوەندی سوریا بۆ مافی مرۆڤ بڵاویكردۆتەوە، ئەو ژمارەی زۆری كوژراوانی هاوڵاتیانی مەدەنی تەنها لەماوەی دوو رۆژ بووە، ئەوەش زۆرترین ژمارەی كوژراوانە لەوەتەی ساڵی (2013) ەوە.

تاكو ئێستا فەرەنسا بەتووندی سەركۆنەی ئەو بۆردومانە چڕەی ڕژێمەكەی ئەسەدی كردووە بۆ سەر ئەو شارەدێیەی نزیك لەشاری دیمەشق.

 

 

ئـ . كـ