لە ئێران 3 زانای ژینگە دەستگیركران

یەک شەممە, 25 شوبات 2018 05:45

 

 



دەسەڵاتی ئێران (3) زانای ژینگەی دەستگیركردووە، بەمەش ژمارەی چاڵاكوانانی دەستگیركراون دەگاتە (10) كەس، وەك پێگەی (تابناك) كە نزیكە لە كۆنەپارێزانەوە.

هەروەها تابناك دەڵێت، (3) زانای ژینگە لە شارەكانی ناوچەی (هورمزخان) لە باشووری وڵات گیراون، بێ ئەوەی هۆكاری دەستگیركردنیان دەستنیشانكات، یاخود لە چ ڕۆژێكدا ئەم كارە كراوە.

زاناكان ئەندامی كۆمەڵەی پاراستنی ژینگەن لە ناوچەی (لۆردین) كە دەكەوێتە نزیك كەنداو.

لەمانگی (1) ی ڕابردوودا (8) ئەندامی كۆمەڵەی پاراستنی ئاژەڵانی كێوی كە گرنگترین ڕێكخراوی چاڵاكە بۆ پاراستنی ژینگە بەتۆمەتی سیخوڕی دەستگیركران.

یەكێك لەو دەستگیركراوانە بەناوی (كاوس سەید ئیمامی) بەر لە (2) هەفتە لەزیندان گیانی لەدەستدا.

دەسەڵاتی ئێران ئیدعا دەكات كە كاوس خۆی كووشتوە، بەڵام خانەوادەكەی گومانیان هەبوو، وتیان پێشر كوڕەكەیان هەڕەشەی لێكراوە.

جێگری سەرۆكی كۆمەڵەی پاراستنی ژینگە، (كاوە مەدەنی) لەمانگی (2) ی ڕابردوودا بۆ ماوەیەك دەستگیركرابوو.

 

ئـ . كـ