ئەسەد : هێرش بۆ سەر غۆتە بەردەوام دەبێت

دوو شەممە, 05 ئازار 2018 05:29

 

 

سەرۆكی سوریا رایگەیاند، ئەركەكەی سوپای سوریا لە غۆتەی ڕۆژهەڵات لە نزیك دیمەشقەوە بەردەوام دەبێت لەگەڵ ڕێگەپێدان بە هاتنە دەرەوی هاوڵاتیانی مەدەنی لە ناوچەكەدا كە لەژێر دەسەڵاتی چەكدارانی ئۆپۆزسیۆندایە.

(بەشار ئەسەد) لە لێدوانێكیدا بۆ ڕۆژنامەنووسان وتی، هیچ دژایەتیكردنێك نیە لەنێوان ئاگربەستەكەو ئەركی سوپادا، ئەو پێشڕەوییەی دوێنێ كردوویانە لە غۆتە لەمیانەی ئەو ئاگربەستەدا كراوە.

وتیشی، بۆیە دەبێت بەردەوام بین و ڕێگەش بدەین هاوڵاتییە مەدەنییەكان لە ناوچەكە بێنە دەرەوە.

جێگەی ئاماژەیە ئەسەد ئاماژەی بەو ئاگربەستەدا كە لەلایەن ڕووسیاوە بڕیاری لەسەردرا، بەپێی ئەو ئاگربەستە ڕۆژانە لە كاتژمێر نۆی بەیانییەوە تا دووی پاشنیوەڕۆ شەڕ دەبێت بوەستێت، نەتەوە یەكگرتووەكانیش ئەو ئاگربەستەی بە گاڵتە ناودێركرد.

 

 

ئـ . كـ