فەرەنسا داوا دەكات توركیا كۆتایی بە بۆردومانی عەفرین بهێنێت

چوار شەممە, 07 ئازار 2018 06:03

 

 

وەزیری دەرەوەی فەرەنسا دەڵێت، كۆمەڵی نێودەوڵەتی ئێستا سەنگی خستۆتە سەر جێبەجێكردنی ئاگربەست لە ناوچەی غۆتەی ڕۆژهەڵاتی ژێر دەسەڵاتی ئۆپـۆزسیۆنی سوریا، بەڵام ناكرێت دۆخی عەفرینی ژێر دەسەڵاتی كوردەكان پشـتگوێ بخرێت.

(جان ئیڤ لۆدریان) وەزیری دەرەوەی فەرەنسا لە بەردەم كۆمیتەی كاروباری دەرەوەی پەرلەمان وتی، خواستی جێبەجێكردنی ئاگربەست لە پـێناو هەموو لایەكە، لە پـێناو هەموو سوریایە، بۆیە دەبێت ئەوە بڵێین چونكە لە ڕۆژانی داهاتوو هەموو لەسەر پـرسی غۆتەی ڕۆژهەڵات كۆدەبینەوە، بەڵام ئاگربەستەكە هەموو لایەك دەگرێتەوە بە عەفرینیشەوە.

وتیشی : كاربەدەستانی فەرەنسا چەندان جار ئەمەیان بە كاربەدەستانی توركیا وتووەو پـێـیان ڕاگەیاندوون فەرەنسا بە هێرشكردنە سەر شەڕڤانانی كورد لە ناوچەی عەفرین غەمبارە وە ئامۆژگاری ئەنقەرەیان كردووە كۆتایـیەك بۆ ئەمە دابنێت.

 

ئـ . كـ