بریندارانی غۆتە رزگار دەكرێن

سێ شەممە, 13 ئازار 2018 05:59

 

 

شارەدێی غۆتە لەخۆرهەڵاتی شاری دیمەشق بۆتە گەورترین بەندیخانە، گەمارۆ دراوەو بۆردومان دەكرێت و بەسەدان كوژراوو بەهەزاران برینداری تێدایە.

چەكدارەكانی (جەیشی ئیسلام) كە گەورەترین باڵی چەكداری دەسەڵاتدارن لەو شارەدێیە رایانگەیاندووە، لەگەڵ رووسیا بە ڕێككەوتنێك گەیشتوون تاكو بریندارەكان ببرێنە دەرەوە.
تاكو ئێستا هیچ سەرچاوەیەك پشتی راستی رێككەوتنی نێوان چەكدارەكان و رووسیای نەكردۆتەوە، هیچ وادەیەكیش دیارینەكراوە بۆ بردنە دەرەوەی بریندارەكانی شەڕەكان.

تاكو ئێستا شارەدێی غۆتە دابەشبووە بەسەر سێ‌ بەش، (%60) ی كەوتۆتەوە دەستی ڕژێمی ئەسەدو میلیشیا چەكدارەكانی هاوكاری، بەشێكیشی لەژێر چنگی چەكدارانی جەیشی ئیسلامدا ماوەو بۆردومان و شەڕو پێكدادانەكان بەردەوامە.

پێشتر ئەمریكا كوشتاری شارەدێی غۆتەی خستبووە ئەستۆی هەریەكە لە ئێران و رووسیا، كە ئاگر بەست راناگەیەنن، كە پێشتر نەتەوە یەكگرتووەكان رایگەیاندبوو.

 

ئـ . كـ