بەهەزاران كەس لە غۆتەی سوریا دەربازكران

شەممە, 17 ئازار 2018 07:21

 

 

ناوەندی ئاشتەوایی ڕووسیا لە سوریا ڕایگەیاند، لە بەرەبەیانی ئەمڕۆوە زیاتر لە حەوت هەزار كەس لە غۆتەی ڕۆژهەڵات لە سوریا دەربازكراون و هێنراونەتە دەرەوەی شارەكە.

ئاماژەی بەوەشكردووە، دەربازكردنی دانیشتوانی غۆتەی ڕۆژهەڵات لە ڕێگەی ڕێڕەوی ئارامی مرۆییەوەیە، كە لە دوو ڕۆژی ڕابردوودا زیاتر لە (17) هەزار كەسی دیكەیان لێ دەربازكردووە.

دەربازكردنی ئاوارەكانی غۆتەی ڕۆژهەڵات لە هەردوو ڕێڕەوی حەموریەو موخەیەمەوە بووە لەلایەن یەكینەكانی سوپا بە هاوكاری مانگی سوور دەگەیەندرێتە ناوەندێكی ئارام لە دەوروبەری دیمەشق.

هاوكات حكومەتی سوریا ڕایگەیاند، كە لە (%70) ی شارەكەی كۆنتڕۆڵكردوە كە زیاتر لە (400) هەزار كەسی تێدا نیشتەجێیە.

ئەوە لەكاتێكدایە لە (2/24) ئەنجوومەنی ئاسایشی نێودەوڵەتی بڕیاری ئاگربەستی بۆ ماوەی مانگێك ڕاگەیاند، بەڵام حكومەتی سوریا پابەندی بڕیارەكە نەبووە.

 

 

ئـ . كـ