تاڵیبان و ئەمریكا لەسەر ئەم دۆسیەیە وتوێژ دەكەن

هەینی, 14 ئەیلول 2018 10:24

 

 

(وەحید موژدا) كاربەدەستی پێشووی بزووتنەوەی تاڵیبان كە هێشتا پەیوەندی باشی هەیە لەگەڵ ڕێبەرانی تاڵیباندا دەڵێت، وتووێژی نێوان ئەمریكاو تاڵیبانی ئەفغانستان بۆ ڕێككەوتنی سیاسی تا كۆتایی بە شەڕی درێژخایانی ئەفغانستان بێت لە سەر بابەتی هێشتنەوەی بنكەی سوپای ئەمریكا لە وڵاتەكە چەقی بەستووە.

موژدا دەڵێت : ئەمریكا دەخوازێت تاڵیبان بەوە رازی بێت بەلایەنی كەم هەردوو بنكەی سەربازی باگرام و شۆرەباك بمێننەوە، بەڵام تاڵیبان بەوە رازی نییە، موژدا وتیشی : ڕێبەرانی ئەو گروپە یاخیبووەی ئەفغانستان نایانەوێت لە ژمارەیەكی ئاسایی سەربازی ئەمریكا بۆ پاراستنی باڵیۆزخانەكەیان زیاتر لە ئەفغانستان بمێننەوە.

سەرچاوەیەكی باڵا لە واشنتۆن كە مامەڵە لەگەڵ دۆسیەی ئەفغانستاندا دەكات ڕایگەیاند، مانەوەی چەند بنكەیەكی سەربازی لە ئەفغانستان ئەركی سەرەكی حكومەتی ئەمریكایە.

(كریستۆفەر كۆلێندا) كۆڵۆنێڵی خانەنشین و ڕاوێژكاری پێشوی پنتاگۆن كە لەم ساڵدا وتووێژی ناڕاستەوخۆی لەگەڵ تاڵیبان لە دەوحە ئەنجام دەدا وتی: ئەو گروپە یاخیبووە هێزەكانی ئەمریكا بە هێزێكی داگیركەر لە قەڵەم دەدەن و دەیانەوێت لە ئەفغانستان دەربچن.

 

ئـ . كـ