دەسەڵاتدارێتی سعودی 60 كەسایەتی و زانای دەستگیركردووە

دوو شەممە, 24 ئەیلول 2018 05:34

 

 

بەپێی سەرچاوەكانی هەواڵ دەسەڵاتدارێتی سعودی تاكو ئێستا لەسەرتاسەری وڵاتەكەی (60) گەورە زاناو بانگخوازو كەسایەتی لەسەر بیرورای ئازاد دەستگیركردووە.

تویتەری بیروباوەری دەستگیركراو بڵاویكردۆتەوە تاكو ئێستا دەسەڵاتدارێتی سعودی (60) كەسایەتی و زاناو بانگخوازی دەستگیركردووەو لەنێو زیندانەكاندا تووندی كردوون.

هاوكات زانیاری ئەوەش ئاشكرا كراوە، كە لەنێو دەستگیركراوەكاندا (25) كەسیان رۆژنامەنووسن و (20) كەسیان كەسایەتی مافی مرۆڤن و (10) كەسیان پارێزەرن.

هاوكات باسیش لەوەكراوە، كە تاكو ئێستا ئەوانەی لەسەر بیرورای سیاسی دەستگیركراون گەیشتۆتە (2613) كەس، ئەوەش تەنها لەماوەی ساڵێكدا بووە.

لەبەشێكی تری زانیارییەكاندا ئاماژە بەوەكراوە، كە بەشێك لەدەستگیركراوەكان لەنێو زیندانەكاندا ئەشكەنجەو ئازار دەدرێن.

 

ئـ . كـ