پۆلیسی میسر كوڕی مورسی دەستگیر دەكات

چوار شەممە, 10 تشرینی یەکەم 2018 19:31

 

 

ئەمڕۆ چوارشەممە پۆلیسی میسری كوڕی سەرۆكی شەرعی وڵاتەكەی بەتۆمەتی لێدوان بۆ ئاژانسێكی بیانی دەستگیركردووە.

پۆلیسی میسری بڵاویكردۆتەوە، ئەمڕۆ چوارشەممە پۆلیس (عەبدولڵا مورسی) كوڕی (موحەمەد مورسی) سەرۆكی شەرعی وڵاتیان دەستگیركردووە، ئەوەش دوای ئەوەی لێدوانی بۆ ئاژانسی ئەسۆشەیتد پرێس دابوو لەبارەی زیندانییەكان و بەتایبەتی زیندانەكەی باوكی قسەی كردبوو.

كوڕی مورسی لەدیداری ئەو ئاژانسە رایگەیاندبوو، دۆخی زیندانییەكان بەشێوەیەكی گشتی خراپەو كەس و كاری زیندانییەكان ڕێگەی سەردانی كردنیان پێنادرێت، تەنها لە ساڵێك چەند جارێك نەبێت.

لەلایەن خۆشیەوە (ئەحمەد) برای (عەبدولڵا) رایگەیاندووە، ئەفسەرانی پۆلیس براكەیان دەستگیركردووە بەبێ‌ فەرمانی دادگا، وەزارەتی ناوخۆش هیچ لێدوانێكی لەم بارەیەوە نەداوە.

 

 

ئـ . كـ