پۆلیسی توركیا دەچێتە نێو كونسوڵخانەی سعودییە

سێ شەممە, 16 تشرینی یەکەم 2018 05:27

 

 

لێكۆڵەرەوانی پۆلیسی توركیا چوونە ناو كونسوڵخانەی سعودیەوە لە ئیستەنبوڵ ئەمەش دوو هەفتە دوای دیارنەمانی ڕۆژنامەنووس (جەمال خاشقچی) دێت.

سەرچاوەیەكی سیاسی توركیا لە ماوەی ڕابردوودا ڕایگەیاندبوو، تیمێكی هاوبەشی لێكۆڵەرەوانی توركیاو سعودیە كونسوڵخانەكە دەپشكنن، ئەویش كۆتا شوێنە كە دوایین جار خاشقچی لێبینراوە پێش دیارنەمانەكەی.

بەرپرسانی توركی دەڵێن، پێیان وایە (جەمال خاشقچی) لەناو كونسوڵخانەكەدا كوژرابێت و لاشەكەی لەوێوە گواسترابێتەوە، سعودیەش بە توندی كوشتنی خاشقچی ڕەت دەكاتەوە.

 

 

ئـ . كـ