كوشتنی خاشقچی 7 خولەكی پێچووە

پێنج شەممە, 18 تشرینی یەکەم 2018 06:55

 

 

كەناڵی جەزیرە لە زاری سەرچاوەیەكی ئاگاداری توركیاوە بڵاویكردۆتەوە، كە كوشتنی ڕۆژنامەنووسە سعودییەكە لە باڵیۆزخانەی ئەم وڵاتە لە توركیا تەنیا حەوت خولەكی خایاندووە.

بەپێی زانیارییەكانی ئەم سەرچاوەیە، لایەنی ئاگاداری توركیا ئاماژەی بەوەداوە: (سەلاح تەبیقی) پزشكی یاسایی ئاسایشی گشتی سعودییە بە هاوكارەكانی وتوویەتی، لە كاتی لەت لەتكردنی خاشقچی گوێ لە مۆسیقا بگرن.

هەروەها تێیدا هاتووە: وێنەكانی ناو باڵیۆزخانەی توركیا نیشانی دەدات كە خاشقچی خێراو دەست بەجێ و بێ ئەوەی لێكۆڵینەوەی لەگەڵ بكرێت كوژراوە، خاشقچی بەر لە مردن ئەشكەنجە دراوەو دواجار كوژراوەو تەرمەكەی لەت لەتكراوە.

 

 

ئـ . كـ