وەزیری دادی ئەمریكا دەستی لەكاركێشایەوە

پێنج شەممە, 08 تشرینی دووەم 2018 05:39

 

 

(جێف سێشنس) دەستبەرداری پـۆستەكەی بوو وەك وەزیری دادی ئەمریكاو ترامپیش دەستبەجێ كەسێكی بە شێوەیەكی كاتی بۆ شوێنەكەی دەسـتنیشانكردووە.

(جێف سێشنس) نامەی دەست لەكاركێشانەوەكەی داوەتە كۆشكی سپـی، ئەمەش پاش ئەوەی پـێشتر هەر ترامپ داوای لێكردبوو دەست لەكاربكێشێتەوە.

(دۆناڵد ترامپ) لای خۆیەوە لەسەر تویتەرەكەی نووسیویەتی، بە خۆشحاڵیـیەوە ڕایدەگەیەنین (ماپیۆ گ. ویتەیكەر) گەورە فەرمانبەرانی (جێف سێشنس) لە وەزارەتی داد دەبێتە وەزیری نوێی دادی ئەمریكا بە وەكالەت، بەباشی خزمەتی وڵاتەكەمان دەكات، سوپاسی (جێف سێشنس) وەزیری داد دەكەین بۆ خزمەتەكانی وە هیوای باشی بۆ دەخوازین دوایی كەسێك دەستنیشان دەكەن بە بەردەوامی پـۆستەكە بگرێتەدەست.

جێگەی ئاماژەیە ترامپ ڕەخنەی زۆری هەبوو لە (جێف سێشنس) لەسەر چۆنیەتی بەڕێوەبردنی وەزارەتی داد، پـێشتر لە مانگی هەشت لە چاوپـێكەوتنێكیدا لەگەڵ كەناڵی فۆكس نیوز وتبووی، (جێف سێشنس) هەرگیز نەیتوانیوە وەزارەتی داد كۆنترۆڵ بكات، بەڵام سێشنس ئەم تۆمەتەی ترامپی ڕەتكردۆتەوەو هەروەها لە نامەی دەست لەكاركێشانەوەكەی نووسیویەتی، ئەوەی لە هەمووی گرنگترە لەو كاتەی وەك وەزیری داد كارمكردووە سەروەریمان بۆ یاسا گەڕاندەوەو پەیڕوەمانكرد.

 

 

ئـ . كـ