یەكێتی جیهانی زانایانی موسڵمان سەرۆكی نوێی هەڵبژارد

پێنج شەممە, 08 تشرینی دووەم 2018 06:21

 

 

یەكێتی جیهانی زانایانی موسڵمان كە ئێستا كۆنگرەی گشتی سازدەكات لەشاری ئیستەنبۆڵ، سەرۆك و جێگرانی هەڵبژارد.

كۆنگرەی یەكێتییەكە لەژێر ناونیشانی (ئیسڵاح و موساڵەحە) بوو، تێیدا (1030) زاناو (50) ڕێكخراوی ئیسلامی لەجیهانی ئیسلامی بەشداریان كردو تێیدا بەڕێژەی دەنگی (93%) بەشداربووان سەرۆكی یەكێتییەكە لە (د. یوسف قەرزاوی) گۆڕدرا بۆ (ئەحمەد رەیسونی) گەورە زانای مەغریبی.

هەروەها لەكۆنگرەكەدا چوار زانای تر بەناوەكانی (ئەحمەد خەلیلی و عیسام بەشیرو خەیرەددین قەهرەمان و حەبیب سالم سەقاف جەفری) وەك یاریدەدەری سەرۆك هەڵبژێردران.

ئەمەو ئەو كۆنگرەیە لەوەتەی ساڵی (2004) ەوە بە گەورەترین كۆنگرەی یەكێتی جیهانی زانایانی موسڵمان ئەژمار دەكرێت و تێیدا باس لەچەندین بابەتی گرنگ و سەردەمیانە كراوە تایبەت بە جیهانی ئیسلامی.

 

 

ئـ . كـ