بەبڕیارێك، ئۆپێك نرخی نەوتی بەرز كردەوە

08/12/2018 - 08:35 بڵاوکراوەتەوە لە هەواڵ/گشتی

 

 

بەشێوەیەكی چاوەڕوان نەكراو نرخی نەوت بەڕێژەی (5%) بەرزبوونەوەی تۆمار كرد، ئەوەش دوای بڕیارێكی سەرانی ئۆپێك هات، بەشێوەیەك نرخی بەرمیلێك نەوتی برێنت بۆ (63.73) دۆلارو نرخی بەرمیلێك نەوتی خاویش بە (54.22) دۆلار مامەڵەی پێوەكراوە.

ڕێكخراوی ئۆپێك كە وڵاتانی نەوت فرۆشن بڕیاریانداوە ڕۆژانە هەناردەی نەوتیان بەڕێژەی (یەك ملیۆن و دوو سەد هەزار بەرمیل) داببەزێنن.

بڕیارە ڕێككەوتنەكەی سەرانی ئۆپێك لەیەكی مانگی كانوونی دووەمی ساڵی (2019) بچێتە بواری جێبەجێكردن و ماوەی شەش مانگیشی بۆ دیاریكراوە.

بڕیارەكەی سەرانی ئۆپێك دوای ئەوە دێت كە نرخی نەوت بەشێوەیەكی زۆر خراپ لەبازاڕەكانی جیهان شكانی بەخۆیەوە بینی، بەشێوەیەك لە (30%) ی نرخەكانی شكا.

 

ئـ . كـ