ئەمریكا پلەی یەكەمی فرۆشتنی چەكی هەیە

11/12/2018 - 10:55 بڵاوکراوەتەوە لە هەواڵ/گشتی

 

ئەمریكا هێشتا هەر لە ریزبەندی یەكەمی وڵاتانی فرۆشیاری چەكەو رووسیا توانیویەتی بە تێپەڕین لە بەریتانیا پێگەی دووەم بگرێتەوە.

بەگوێرەی لێكۆڵینەوەكانی دامەزراوەی (سیپری) كۆمپانیاكانی بەرهەمهێنەری چەكی ئەمریكا لە ساڵی (2017) ەدا بە (2%) گەشە لە ئاستی فرۆشیدا بە بەهای (222.6) ملیار دۆلار چەكیان فرۆشتووە.

رووسیاش هەرچەندە توانیویەتی پلەی دووەم بكات بە هی خۆی، بەڵام ئاستی فرۆشی ئەم وڵاتە لە (37.7) ملیار دۆلار تێنەپەڕیوەو بەمەشەوە (8.5%) ئاستی فرۆشیان زیادی كردووە لەچاو ساڵی (2016).

دامەزراوەی سیپری ئامارەكانی لەسەر بنەمای بەرهەمهێنان و فرۆشی چەكی سەد كۆمپانیای مەزنی نێودەوڵەتی رێكدەخات و لەم سەد كۆمپانیایەش (42) یان ئەمریكین و (10) كۆمپانیاش لەم ژمارەیە رووسین.

لەم ریزبەندەدا بەریتانیاش بە (35.7) ملیار دۆلار فرۆشی چەك پلەی سێیەمی لە ئاستی جیهاندا هەیە.

 

 

 

ئـ . كـ