ترامپ : پشتی بن سەلـمان بەرنادەم

12/12/2018 - 19:41 بڵاوکراوەتەوە لە هەواڵ/گشتی

 

 

سەرۆكی ئەمریكا رایگەیاند، وێڕای ئەوەی ئەنجوومەنی پیران بڕوای وایە كە (بن سەلـمان) دەستی لە كوشتنی خاشقچیدا بووە، بەردەوام دەبێت لە پشتیوانی كردنی عەرەبستان، چونكە هاوپەیمانێكی باشی وڵاتەكەیەتی.

(دۆناڵد ترامپ) سەرۆكی ئەمریكا لە گفتوگۆ لەگەڵ ڕۆیتەرز وتی: وێڕای ئەوەی ئەنجوومەنی پیران بڕوای وایە كە بن سەلـمان دەستی لە كوشتنی خاشقچیدا هەبووە، بەردەوام دەبێت لە پشتیوانی كردنی.

ئەو وتیشی: ئەو سەرۆكی عەرەبستانەو ئەم وڵاتەش هاوپەیمانی باشی ئەمریكایە، بێ گومان لە تەنیشت عەرەبستان مانەوە ئێستە بەندە بە مانەوەی ئەوان لەحوكمڕانیدا.

ترامپ سەبارەت بەم بابەتە كە هەندێك كەس لە ئەندامانی سعودیە دەیانەوێت (بن سەلـمان) لە دەسەڵات لابدرێت، وتی: من شتی وام نەبیستووە، ڕاستگۆیانەش دەڵێم لەمبارەوە نازانم چی بڵێم، ئەوەی من بیستوومە ئەوەیە كە پێگەی ئەو لە دەسەڵاتدا بەهێزە.

جێگەی ئاماژەیە كە دەزگای هەواڵگری و ئەنجوومەنی پیرانی ئەمریكا لەسەر ئەم بڕوایەن كە (بن سەلـمان) دەستی لە كوشتنی خاشقچیدا بووە، بەڵام ترامپ سەرەڕای ئەمە بەردەوامە لە پشتیوانی كردنی جێگری شانشینی عەرەبستان.

هەر لەمبارەوە (باب كرۆكێر) سیناتۆری كۆماریخواز ڕایگەیاند، بەزوویی بڕیارنامەیەك ئامادە دەكەن كە (بن سەلـمان) لە كوشتنی خاشقچیدا دەستی بووە، سیناتۆر (لیندسی گراهامیش) بن سەلـمانی بە كوشتنی خاشقچی تاوانبار كرد.

لەمبارەیەوە واشنتۆن پۆست نووسیتی، كە سینای ئەمریكا تاكوو بەر لە تەواو بوونی ساڵی (2018) دەیانەوێت بڕیارنامەیەك ئامادەبكەن كە بن سەلـمان بە بەرپرسی كوشتنی خاشقچی دەزانێت.
هەروەها داوا لە بن سەلـمان دەكرێت تاكوو سیاسەتە دوژمنكارانەكانی دیكەی لە كەنداوی فارس ڕابگرێت، هەروەها سزادانی ترامپ بەهۆی پشتیوانی لە بن سەلـمانیش دەروژێت.

 

 

ئـ . كـ