ئەنجوومەنی پیران لەسەر خاشقچی رووبەرووی ترامپ بوویەوە

14/12/2018 - 09:51 بڵاوکراوەتەوە لە هەواڵ/گشتی

 

 

ئەنجوومەنی پیرانی ئەمریكا بەدەركردنی بڕیارێك ڕووبەڕووی سەرۆكی وڵاتەكەی بوویەوە.

لەكۆبوونەوەی دوێنێی ئەنجوومەنی پیرانی ئەمریكا، بەزۆرینەی دەنگی ئەندامانی ئەو ئەنجوومەنە، كوشتنی رۆژنامەنووس (جەمال خاشقچی) خرایە ئەستۆی (موحەمەدی كوڕی سەلـمان) ی شازادەی جێنشینی سعودییە.

كۆنگرێسی ئەمریكا نیگەرانە لە (دۆناڵد ترامپ) ی سەرۆكی وڵاتەكەی لەهەمبەر شێوازی مامەڵەكردنی لەگەڵ دۆسییەی كوژرانی رۆژنامەنووس (جەمال خاشقچی) لەنێو كونسوڵخانەی سعودییە لەشاری ئیستەنبۆڵ، كە دەزگای هەواڵگری ئەمریكی (سی ئای ئەی) سوورە لەسەر ئەوەی كە ئەو كارە بە فەرمانی (موحەمەد بن سەلـمان) كراوە.

هاوكات ئەنجوومەنی پیران پشتیوانی كرد لە كۆتایی هاتنی جەنگ لەیەمەن و چیتر پشتیوانی سعودییە لەم شەڕەدا نەكەن.

 

 

 

ئـ . كـ