ئاوارەبوونی موسڵمانانی ڕۆهینگیا لە ھیندستانەوە بۆ بەنگلادیش بەردەوامە

13/01/2019 - 12:19 بڵاوکراوەتەوە لە هەواڵ/گشتی

 

 

بەرپرسێك لە پۆلیسی بەنگلادیش ڕایدەگەیەنێت: دەیان موسڵمانی رۆھینگیا دوای ئەوەی لە ھیندستانەوە سنوورداش كرانەوە، ئاوارەی بەنگلادیش بوون.

 


ئەبو خێر بەرپرس لە بنكەی پۆلیسی ئوخیا لە بەنگلادیش لە لێدوانێكدا بۆ ئاژانسی ئانادۆڵ ڕایگەیاند: تەنھا لە ماوەی ھەفتەی رابردوودا، پێشوازیانكردووە لە ٤٨ موسڵمانی ئاراكان كە لەنێویاندا ئافرەت و منداڵ ھەیە، ئەمەش دوای ئەوەی لە ھیندستان سنوورداش كرابوون.

 


ئەوەشی خستەڕوو: ئەو ئاوارانەیان رەوانەی كەمپی ئاوارەكانی رۆھینگیا لە شاری كوكس بازار باشووری رۆژھەڵاتی بەنگلادیش كردووە.

 

 

ھاوكات بەپێی راپۆرتێك كە لە رۆژنامەی "تریبون"ی بەنگلادیشی بڵاوكراوەتەوە، تەنھا لە میانی ١٠ رۆژی رابردوودا، ٤٦٨ موسڵمانی ئاراكان لە ھیندستانەوە پەڕینەتەوە بەنگلادیش.

 

 

بەپێی ئامارەكانی نەتەوە یەكگرتووەكان، ١٨ ھەزار موسڵمانی رۆھینگیا وەك ئاوارە لە ھیندستان تۆماركراون و داوای مافی پەنابەرێتی دەكەن، بەڵام ناوە ناوە لە لایەن حكوومەتی ئەو وڵاتەوە سنوورداش دەكرێنەوە.

 

 

 

س ب