ئەمڕۆ دەنگ لەسەر جیابونەوەی بەریتانیا لەیەكێتی ئەوروپا دەدرێت

15/01/2019 - 11:21 بڵاوکراوەتەوە لە هەواڵ/گشتی



بڕیارە ئەمڕۆ پەرلەمانی بەریتانیا دەنگ لەسەر ڕێككەوتننامەی جیابوونەوەی وڵاتەكەی لە یەكێتیی ئەورووپا بدات و پێدەچێت دەنگی نەخێر زۆرینە بێت.


ئەمڕۆ پەرلەمانی بەریتانیا دەنگ لەسەر رێككەوتننامەی جیابوونەوەی وڵاتەكەی لە یەكێتیی ئەورووپا (برێكسیت) دەدات كە لە دوا ساتەكانی مانگی كانوونی یەكەمی ٢٠١٨ دەنگدان لەسەر ئەو ڕێككەوتننامەیەی دواخست.

 

بە پێی هەواڵی بەشێك لە ئاژانسە جیهانیەكان هەریەك لەو بژاردانەی لە بەردەم ئەو وڵاتەن كێشەی دیكە بەدوای خۆیاندا دەهێنن.


بە هۆی نەبوونی پشتیوانی تەواو لە تێرێزا مای سەرۆك وەزیران، مانگێك دەنگدانەكە لەسەر ئەو رێككەوتننامەیە دواخراوە، بەڵام تێڕوانینێكی وای لای رای گشتیی ئەو وڵاتە دروستكردووە كە دەنگدانەكەی ئەمڕۆش هیچ لە ئەنجامەكە ناگۆڕێت.

 

پێدەچێت پارتی یەكێتیی دیموكراتی ئێرلەندای باكوور كە ١٠ كورسی هەیە و لە دەرەوە پشتگیری حكوومەتی كەمینەی پارتی پارێزگاران بە سەرۆكایەتی مای دەكات كە خاوەنی ١٠٠ كورسییە، لەگەڵ پارتە ئۆپۆزسیۆنەكان یەك دەنگ بێت و دەنگی نەخێر بەكاربهێنێت لە دژی رێككەوتننامەكە.

 

 

 

س ب