ئێران هێزەكانی لەسوریا ناكێشێتەوە

17/01/2019 - 08:44 بڵاوکراوەتەوە لە هەواڵ/گشتی

 

 

سەركردەی سوپای پاسدارانی ئێران وتی، وڵاتەكەی هێزەكانی لە سوریادا دەهێڵێتەوە، ئەمەش دوای ئەوەی ئیسرائیل هەڕەشەی ئەوەی كرد بەردەوام دەبێت لە بە ئامانجكردنی ئێران لە سوریادا ئەگەر هاتوو هێزەكانی لە سوریادا نەكێشێتەوە.

(بنیامین نەتنیاهۆ) سەرۆك وەزیری ئیسرائیل وتی، وڵاتەكەی بەردەوام دەبێت لە هێرشكردنە سەر ئێرانیەكان لە سوریاداو هۆشیاریدا لەسەر ئەوەی پێویستە بەخێرایی لە سوریا بكشێنەوە، چونكە بەردەوام دەبین لە پەیڕەویكردنی ئەو سیاسەتەمان.

دەزگای هەواڵی تەڵەبەی ئێرانی لە زاری سەركردەی سوپای پاسدارانی ئێران ژەنەڕاڵ (موحەمەد عەلی جەعفەری) یەوە بڵاویكردۆتەوە، تاران هەموو ڕاوێژكارە سەربازییەكانی و هێزەكانی و چەكەكانی لە سوریادا دەهێڵێتەوە.

جەعفەری هەڕەشەكانی ئیسرائیلی بە گاڵتە ناودێر كردو هۆشیاریدایە حكومەتی ئیسرائیل یاری بە كلكی ئەسەد نەكەن.

وتیشی، دەبێت بترسن لەوەی ڕۆژێك دێت موشەكەكانمان بە ئاڕاستەی ئێوە دێن و بەسەر سەرتاندا دەكەونە خوارەوە.

 

 

 

ئـ . كـ