سوریا... 12 پاسداری ئێرانی كوژران

22/01/2019 - 14:18 بڵاوکراوەتەوە لە هەواڵ/گشتی

 


ڕوانگەی سوری بۆ مافەكانی مرۆڤ ڕایدەگەیەنێت ژمارەی كوژراوانی بۆردومانەكەی ئیسرائیل بۆ سەر چەند بنكەیەكی سەربازی لە نزیك دیمەشق بۆ 21 كەس بەروبووەتەوە كە 12 كەسیان ئەندامی سوپای پاسدارانی ئێرانین.


ڕوانگەی سوری ڕایگەیاندووە، بۆردومانەكەی ئیسرائیل چەند كۆگایەكی موشەك و جبەخانەی سوپای پاسدارانی كردۆتە ئامانج ، سەڕەڕای بنكەی دژە ئاسمانی سوپای سوریا.


ئاماژە بەوەكراوە لەو بۆردومانەدا 6 ئەفسەری سوری و 12 ئەندامی سوپای پاسداران كە پلەكانیان دیار نیە لەگەڵ سێ چەكداری دیكەی بیانی كوژراون كە ناسنامەی ئەوانیش دیار نین.