دوای هه‌ڵبژاردنی وه‌ك سه‌رۆكی په‌رله‌مان ده‌ستی له‌ كار كێشایه‌وه‌

19/02/2019 - 15:50 بڵاوکراوەتەوە لە هەواڵ/گشتی

سەرۆکی پەرلەمانی تورکیا، بینالی یڵدرم ئەرکەکەی رادەستی سەرۆکی کاتیی پەرلەمان، جەلال ئادان کرد.

بینالی یڵدرم كه‌ دوێنێ ده‌ستی له‌ پۆستی سه‌رۆكی په‌رله‌مانی توركیا كێشایه‌وه‌، به‌ شێوه‌یه‌كی كاتی پۆسته‌كه‌ی راده‌ستی جه‌لال ئادان كرد.

له‌ میانی رێوڕه‌سمی راده‌ستكردنی پۆسته‌كه‌یدا، بینالی یڵدرم رایگه‌یاند كه‌ به‌ هۆی كاندیدبوونی بۆ سه‌رۆكی شاره‌وانی ئیستانبوڵ دوێنێ ده‌ستی له‌ پۆستی سه‌رۆكی په‌رله‌مانی توركیا كێشاوه‌ته‌وه‌ كه‌ له‌ ١٢ی ته‌مووزی ٢٠١٨ه‌وه‌ وه‌ك سه‌رۆكی په‌رله‌مان هه‌ڵبژێردراوه‌.

دواتر پۆسته‌كه‌ی راده‌ستی ئه‌ندامی دیوانی سه‌رۆكایه‌تی په‌رله‌مانی توركیا، جه‌لال ئادان كرد كه‌ ئه‌ندام په‌رله‌مانی فراكسیۆنی مه‌هه‌په‌یه و تا هه‌ڵبژاردنی سه‌رۆكێكی نوێ په‌رله‌مانی توركیا جه‌لال ئادان كاره‌كانی سه‌رۆكی په‌رله‌مان به‌ڕێوه‌ده‌بات.