ئەوروپا دانووستانی وەرگرتنی توركیای لەیەكێتی ئەوروپا هەڵپەسارد

23/02/2019 - 09:36 بڵاوکراوەتەوە لە هەواڵ/گشتی

 

 

وتەبێژی وەزارەتی دەرەوەی توركیا سەركۆنەی بڕیارێكی كۆمیتەی كاروباری دەرەكی پەرلەمانی ئەوروپای سەبارەت بە هەڵپەساردنی دانوستانی ئەندامێتی ئەنقەرە لە یەكێتی ئەورووپا كرد.

(حامی ئاكسوی) وتەبێژی وەزارەتی دەرەوەی توركیا بەیاننامەیەكی بڵاوكردۆتەوەو تێیدا بڕیاری كۆمیتەی كاروباری دەرەكی پەرلەمانی ئەوروپای سەبارەت بە هەڵپەساردنی دانوستانی ئەندامێتی ئەنقەرە لە یەكێتی ئەورووپا ئیدانە كرد.

لە بەیاننامەی وتەبێژی وەزارەتی دەرەوەی توركیادا هاتووە: دەنگی كۆمیتەی كاروباری دەرەكی پەرلەمانی ئەوروپا سەبارەت بە هەڵپەساردنی دانوستانە هاوپەیوەندەكان بە ئەندامێتی ئەنقەرە لە یەكێتی ئەورووپا قبوڵ ناكرێت.

ئەوەش لە كاتێكدایە كە كۆمیتەی كاروباری دەرەكی پەرلەمانی ئەوروپا پاش دەنگدان، داوای لە كۆمیسیۆنی ئەوروپاو وڵاتانی دیكەی ئەندامی ئەو یەكێتیە كرد كە بە شێوەی فەرمی دانوستانە هاوپەیوەندەكان بە پرسی ئەندامێتی توركیا لە یەكێتی ئەوروپا هەڵپەسێرن.

كۆمیتەی كاروباری دەرەكی پەرلەمانی ئەوروپا هۆكاری ئەو هەڵوێستەی بەهانەدانی توركیا بە ئازادییەكانی مەدەنی و مافی مرۆڤ لە توركیا، كاریگەری‌ دانانی دەزگای دادو دادگاكان و هەروەها ناكۆكی ئەو وڵاتە لەگەڵ قوبرس و درواسێكانی دیكەی ڕاگەیاندووە.

 

 

 

ئـ . كـ