سەرۆكی كۆریای باكوور لەبارەی دیداری ترامپ روونكردنەوە دەدات

01/03/2019 - 10:50 بڵاوکراوەتەوە لە هەواڵ/گشتی

 

 

سەرۆكی كۆریای باكوور رایگەیاند، ئەگەر بۆ ئاسایی كردنەوەی دۆخی دوورگەی كۆریا، ئامادە نەدەبووین دەست لە چەكی ناوەكی هەڵبگرین، هەرگیز بەشداری ئەم كۆبوونەوەی ڤێتنامم نەدەكرد.

(كیم جۆنگ ئۆن) سەرۆكی كۆریای باكوور لە میانەی كۆبوونەوەی لەگەڵ (دۆناڵد ترامپ) سەرۆكی ئەمریكا لە ڤێتنام وتی: ئامادەین كە دەست لە چەكی ناوەكی هەڵبگرین و ئەگەر ئەم ئامادەیەمان نەدەبوو، هەرگیز بەشداری ئەم كۆبوونەوەیەمان نەدەكرد.

شایانی باسە كە لەم خولەی دیدارەكان كە دوای هەشت مانگ لە دیداری یەكەم بەڕێوەچوو، هەر دوولا ڕایانگەیاندووە كە ئامادەن پەرەی زیاتر بە پەیوەندییەكانی نێوان هەر دوو وڵات بدەن و كێشەی چەكی ناوەكی كۆریای باكوور چارەسەر بكەن.

ترامپ سەبارەت بەم قسانەی (كیم جۆنگ ئۆن) وتی: ئەمە باشترین وەڵام بوو كە دەیتوانی بیبیستێت.

سەرۆكی كۆریای باكوور ئامادە نەبوو سەبارەت بە وردەكاری دەست هەڵگرتن لە چەكی ناوەكی قسە بكات و سەبارەت بەم پرسیارە كە ئایا هەنگاوی ڕوون هەڵدەگرن وتی: لە ئێستادا لەمبارەوە سەرقاڵی قسە كردنین.

جێگەی باسكردنە هەر دوێنێ‌ كۆشكی سپی بڵاویكردەوە، كە واشنتۆن و بیۆنگ یانگ بۆ پرسی داماڵینی چەكی ناوەكی بەڕێككەوتن نەگەیشتوون، وردەكاری زیاتریشی باس نەكردووە.

 

 

 

ئـ . كـ