ئێران ده‌یه‌وێت مێژوو دووباره‌ بكاته‌وه‌ وژماره‌ی ئه‌و قوتابیانه‌ ئاشكرا ده‌كات كه‌ بۆجه‌نگ ئاماده‌ن

15/05/2019 - 14:28 بڵاوکراوەتەوە لە هەواڵ/گشتی
وڵاتی ئێران ده‌یه‌وێت مێژووی (40) ساڵی رابردوو دووباره‌ بكاته‌وه‌ له‌كاتی هه‌ڵگیرسانی شه‌ردا منداڵ به‌كار بهێنێت له‌ به‌ره‌كانی جه‌نگ ،وەزیری پەروەردەی ئێران ژمارەی قوتابیانی وڵاتەكەی ئاشكرا دەكات كە بۆجەنگ ئامادە ن و رایدەگەینێت ، ئەگەر جەنگ لەگەڵ ئەمریكا هەڵبگیرسێت، ئەوا 14 ملیۆن قوتابی ئامادەن بجەنگن.

محەمەد بەتحائی، وەزیری پەروەردەی ئێران ئاشكرای كردوە، ( 14) ملیۆن قوتابی لە قوتابخانەكان هەیە و ئامادەن ئەگەر پێویستی كرد و جەنگ لەگەڵ ئەمریكا هەڵگیرسا، گیانی خۆیان بەخت بكەن.

وەزیری پەروەردەی ئێران ئەوەشی بۆسكای نیوز ئاشكرا كردوە، چۆن لە سەردەمی (بەرگریی پیرۆز- جەنگی عیراق و ئێران) ئەو قوتابیانە گیانیان بەختكرد، ئێستاش ئامادەی ئەو گیانفیداییەن.

جێگەی ئاماژەیە بەگوێرەی هەواڵەكەی شكای نیوز لە سەردەمی جەنگی ئێران و عیراقدا لە ساڵی 1980-1988، بەرپرسانی ئێران دەیان هەزار منداڵ و هەرزەكار و گەنجیان كردوەتە قوربانی و لە پاككردنەوەی كێڵگەكانی مین و پێشڕەوییە سەربازییەكاندا بە كوشتیان داون.