تره‌مپ باری له‌ناكاوی راگه‌یاند

SHKO 16/05/2019 - 09:12 بڵاوکراوەتەوە لە هەواڵ/گشتی

سه‌رۆكی ئه‌مه‌ریكا، دۆناڵد تره‌مپ، باری له‌ناكاوی راگه‌یاند، به‌ مه‌به‌ستی پاراستنی تۆڕه‌كانی ئه‌مه‌ریكا له‌ كاری سیخوڕی.

به‌ گوێره‌ی بڕیاره‌ نوێیه‌كه‌ی ئیداره‌ی تره‌مپ، له‌مه‌ودوا كۆمپانیا ئه‌مه‌ریكییه‌كان، بۆیان نییه‌ كاڵای كۆمپانیا بیانییه‌كان له‌ بواری په‌یوه‌ندییه‌ ته‌لدار و بێته‌له‌كان به‌كاربهێنن، كه‌ مه‌ترسی بۆ سه‌ر ئاسایشی نه‌ته‌وه‌یی ئه‌مه‌ریكا درووست ده‌كه‌ن.

به‌ گوێره‌ی بڕیاره‌كه‌، رێگه‌ بۆ قه‌ده‌غه‌كردنی مامه‌ڵه‌ی بازرگانی له‌گه‌ڵ كۆمپانیای هواوی چیندا خۆشكراوه‌ و ئه‌گه‌ری ئه‌وه‌ له‌ ئارادایه‌ تره‌مپ به‌ ته‌واوی مامه‌ڵه‌ له‌گه‌ڵ ئه‌و كۆمپانیایه‌ قه‌ده‌غه‌ بكات.

پێشتر به‌رپرسانی ئه‌مه‌ریكا، رایانگه‌یاندبوو، كۆمپانیای هواوی چین، مه‌ترسی له‌سه‌ر كه‌رتی په‌یوه‌ندییه‌كانی ئه‌مه‌ریكا درووستكردووه‌.