ئێران هەڕەشە لە ئەمریكا دەكات

09/06/2019 - 10:03 بڵاوکراوەتەوە لە هەواڵ/گشتی

 

 

سكرتێری دیاریكردنی بەرژەوەندییەكانی ئێران رایگەیاند، ئەمریكییەكان دەزانن كە توانایی سەربازی ئێران گەیشتۆتە ئاستێك كە ئەگەر بچووكترین هەڵە ئەنجام بدەن تەواوی ناوچەكە دەسووتێت.

(موحسین ڕەزایی) سكرتێری مەكۆی دیاریكردنی بەرژەوەندییەكانی ئێران بە ئامادەبوون لە بەرنامەی تەلەفزیۆنی (نگاهـ یك) وەڵامی پرسیارەكانی پێشكەشكارەكەی دایەوە.

سكرتێری مەكۆی دیاریكردنی بەرژەوەندییەكانی ئێران لە درێژەدا وتی: دوژمنایەتیەكی جدی لە سەرەتای شۆڕشەوە بۆ ئێمە دروست بووەو تا ئێستا دوو جۆر فشاری ئەمریكی خراوەتە سەر ئێمە؛ یەكێك فشاری ئەستەم وەكوو شەڕ، كوودەتا، شۆڕش و تیرۆر، تەقینەوەو تەنانەت هێرشی سەربازی لە تەبەس و ... كە هیچیان سەرنەكەوتن و لەم دواییەشدا دەبینین كە ترامپ و گرووپەكەی دەڵێن ئێمە بە دوای شەڕی ئابووری ئەستەم دژی ئێران دەگەڕێین، بەڵام بە هیچ جۆرێك هێرشی سەربازی ناكەین، چونكە ناتوانن، ئەگەر دەیانتوانی بێ گومان ئەو كارەیان دەكرد.

ڕەزایی لەو لێدوانەدا بە وتنی : ئەوەی كە كاری سەربازی لە ڕواڵەتدا هێرشە، وتی: ئەوان دەزانن كە توانای سەربازی ئێران گەیشتۆتە ئاستێك كە ئەگەر بچووكترین كارێك ئەنجام بدەن تەواوی ناوچەكە ئاگر دەگرێت و شتێك بۆ هاوپەیمانەكانی ئەمریكاو ئیسرائیل و بەرژەوەندییەكانیان لە ناوچەكە نامێنێتەوە.