لیبیا... بەهۆی دروستبونی لافاوەوە هەزاران كەس ئاوارەبوون

09/06/2019 - 10:35 بڵاوکراوەتەوە لە هەواڵ/گشتی


ئاژانسی كاروباری پەنابەرانی سەر بەنەتەوە یەكگرتووەكان ڕایدەگەیەنێت: بەهۆی بارانێكی زۆر و دروستبونی لافاو شاری غاتی باشوری ڕۆژئاوای لیبیای وێران بوەو هەزاران كەس ماڵەكانی خۆیان بەجێهێشتووە.


بەگوێرەی هەواڵی بەشێك لە ئاژانسە جیهانیەكان، ئاژانسی كاروباری پەنابەرانی سەر بەنەتەوە یەكگرتووەكان ڕایگەیاندووە: بارانێكی بەهێز لیبیای گرتەوەو بەهۆیەوە لافاو گەڕەكەكانی شاری غاتی باشوری ڕۆژئاوای لیبیای وێران بوەو بەهۆی ئەو لافاوەوە 2500 كەس ماڵەكانی خۆیانیان بەجێهێشتووە.


هەروەها ئەوەشی خستەڕوو: ئەو بارانبارینە ماوەی دووهەفتەیە دەستی پێكردوەو چوار كەس گیانیان لەدەستداوەو زیاتر لە 30 كەسیش برینداربوون.


جێگەی ئاماژەبۆكردنە شارۆچكەی غات دەكەوێتە نزیك سنوری جەزایر و بە دووری یەك هەزار و 300 كیلۆمەتر دەكەوێتە باشوری ڕۆژئاوای ترابلوسی پایتەختی لیبیاوە.

 

 

س ب