وەزیری دەرەوەی ئەڵمانیا گەیشتە ئێران

10/06/2019 - 10:11 بڵاوکراوەتەوە لە هەواڵ/گشتی

 

شەوی ڕابردوو وەزیری دەرەوەی ئەڵمانیا بە سەردانێكی فەرمی گەیشتە ئێران و بڕیارە لەگەڵ سەرۆك كۆمار و بەرپرسانی حكومی ئەو وڵاتە كۆببێتەوە.


ئاژانسی فەرمی ئێران بڵاوی كردەوە، شەوی ڕابردوو هایكۆ ماكس وەزیری دەرەوەی ئەڵمانیا بە سەردانێكی فەرمی گەیشتووەتە تاران و ئەمڕۆ دووشەممەش لەگەڵ حەسەن ڕۆحانی سەرۆك كۆماری ئێران و بەرپرسانی ئەو وڵاتە كۆدەبێتەوە.


سەردانەكەی وەزیری دەرەوەی ئەڵمانیا بۆ گفتوگۆكردنە لەسەر هێشتنەوەی ڕێككەوتنی ئەتۆمی ناسراو بە "بەرجام"، دوای ئەوەی ئێران هەڕەشەی كرد كە بەڵێنەكانی لەو ڕێككەوتنە كەم دەكاتەوە و دەكشێتەوە.


جێگەی ئاماژەبۆكردنە پیشتریش وەزری دەرەوەی ئەڵمانیا گەشتێكی بۆ وڵاتانی ڕۆژهەڵاتی ناوەڕاست ئەنجامداو تیایدا سەردانی عێراق و ئیماراتی كردووە.

 

 

 

س ب