ڤیدیۆ ... منداڵێكی حەلەب لەسەر تەرمی برایەكەی هاوارێك دەكات بۆ ویژدانی مرۆڤایەتی

دوو شەممە, 02 ئایار 2016 08:14

كوردیو -

جارێكیتر سوپای ڕوسیاو دەسەڵاتەعەلمانیەكەی سوریا كە سەر بە ڕژێمی بەعسیەكانن بۆردومانی چڕی شاری حەلەبیان كردەوەو بەو هۆیەوە سەدان هاوڵاتی مەدەنی بوونەوە قوربانی .

لەگەڵ ئەوەی ئاگربەست لەچەند شارێكی سوریا دەستی پێكردووە، بەڵام شاری حەلەب زۆربەچڕی لەلایەن ڕژێمە عەلمانیەكەی ئەسەدو فڕۆكەكانی رووسیاوە بۆردومان دەكرێت و تاكو ئێستاش چەندین كەس بەهۆی ئەو بۆردومانە سەختانەوە گیانیان لەدەستداوە.

ئاژانس و سەرچاوە هەواڵییە جیهانییەكان باس لەوەدەكەن، شاری حەلەب زۆربەتووندی بۆردومان دەكرێت و لەوەتەی (22 ی نیسان) تاكو ئێستا بەپێی ئامارەكان (250) كەس گیانیان لەدەستداوەو بەسەدانی تریش برینداربوونە .

فڕۆكە جەنگییەكانی ڕژێمەكەی ئەسەد بەرمیلی بۆمباوی هەڵدەدەنە سەر ناوچەی دانیشتوان و ئەو شوێنانەی ماون وێران دەكەن و زۆربەی قوربانییەكانیش هاوڵاتیانی مەدەنین .

لەگرتەیەكی ڤیدیۆییشدا منداڵێكی حەلەب لەسەر لاشەی مردووی براكەیەتی و ناڵەو گریانێك دەكات ویژدانی مرۆڤایەتی دەهێنێتە هەژان و هاوار دەكات بۆ براكەی كە خۆزگە ئەو لە جێگای دا بمردایە .

جێی باسە رۆژی هەینی رابردوو دوای زیاتر لە یەك سەددە بۆ یەكەم جار لە شاری حەلەب وتاری هەینی نەدرا ئەوەش بەهۆی بۆردومانی چڕی فرۆكە روسی و سوریەكان بۆسەر هاوڵاتیانی مەدەنی و مسوڵمانانی ئەو شارە .