نرخی نەوت لەبەر سێ‌ هۆكار بەرز دەبێتەوە

07/05/2016 - 10:19 بڵاوکراوەتەوە لە هەواڵ/گشتی

 

ئەمڕۆ نرخی نەوت لەبازاڕەكانی جیهان بەرز بوونەوەیان تۆماركردووە، ئەوەش بەهۆی تەشەنەسەندنی ئاگرەكەی ووڵاتی كەنەدا.
ئاژانسی رۆیتەرز بڵاویكردۆتەوە، ئەمڕۆ شەممە نرخی نەوت لەبازاڕەكانی جیهان بەرز بوونەوەیان تۆماركردووە، ئەوەش بەهۆی گڕگرتنی دارستانە چڕەكانی كەنەدایە، لەسەرێكی ترەوە گروپێك چەكدار هێرشیان كردۆتە سەر سەكۆ نەوتییەكانی لەنێیجیریا، ئەمە جگە لەكەمبوونەوەی هەڵكەندنی نەوت لەنێو كێڵگە نەوتییەكان لەئەمریكا.
بەپێی زانیارییەكانی بازاڕی سووتەمەنی جیهانی، ئەمڕۆ نرخی بەرمیلێك نەوتی برێنت بۆتە (45.32) دۆلارو نرخی بەرمیلێك نەوتی خام بۆتە (44.61) دۆلار.

 

ئـ . كـ