چەند خوێ‌ دەخۆی ؟؟

24/06/2016 - 09:34 بڵاوکراوەتەوە لە هەواڵ/تەندروستی

 

 

 

زیاد بەكارهێنانی خوێ‌ لەچێشت و خواردن كاریگەری نەرێنی لەسەر تەندروستی مرۆڤ دروست دەكات و ئێستاش لەجیهان هۆكارێكی سەرەكییە بۆ تووش بوون بەنەخۆشییەكانی دڵ.
ڕێكخراوی تەندروستی جیهانی بڵاویكردۆتەوە، بەكارهێنانی زیاتر لە پێنج گرام خوێ‌ بۆ كەسێك لەهەر ڕۆژێكدا ئەوا كاریگەری خراپی بەسەر تەندروستیەوە دەبێت و نەخۆشییەكانی دڵ و سوڕی خوێنی بەدوادادێت.
ڕێكخراوی ناوبراو ئاماژەی بەوەشكردووە، هاوڵاتیانی خۆرهەڵاتی ناوەڕاست ڕێژەیەكی زۆر خوێ لەناو خواردنەكانیاندا هەیە، بەوەش كاریگەری زۆر بەسەر تەندروستیانەوە دروست دەبێت.
پسپۆرانی بواری خۆراك پێیان وایە، خۆراكەكان بەشێوەیەكی گشتی ڕێژەی خوێیان تێدایە، بەڵام هاوڵاتیان ڕێژەی زیاتری خوێ‌ بەكاردەهێنن، ئەوەش كاریگەری نەرێنی لەسەر تەندروستی دەبێت.
ناوبراو باسیشی لەوەكردووە، هەر كەسێك رۆژانە (5) گرام زیاتر لەخوێ‌ بەكاربهێنێت، ئەوا تووشی نەخۆشییەكانی دڵ و خوێن دەبێت، كە ئێستا ئەو نەخۆشیانە بكوژی پلە یەكەن لەناوچەی خۆرهەڵاتی ناوەڕاست.
ئەو بەرپرسەی ڕێكخراوی تەندروستی جیهانی ئاشكراشی كردووە، ساڵانە لەجیهان (2,2) ملیۆن كەس بەهۆی نەخۆشییەكانی (دڵ و جەڵتەی مێشك و شەكرەو شێرپەنجەو نەخۆشییە درێژخایەنەكان) گیانلەدەستدەدەن و لەنێو ئەو ژمارەیەشدا (57%) یان لەناوچەكانی خۆرهەڵاتی ناوەڕاستن، زۆرینەشیان بەهۆكاری سەرەكی خوێوە دەمرن.

 

ئـ . كـ