بۆ خەوێكی ئارام ئەم هەنگاوانە بنێ‌

27/06/2016 - 09:49 بڵاوکراوەتەوە لە هەواڵ/تەندروستی

 

 

 

پزیشكان پێیان وایە ئەگەر مرۆڤ بیەوێت بەئارامی بخەوێت دەبێت پابەندی چەند ڕێنماییەك ببێت، ئەگەرنا بەو شێوەیەی دەیەوێت ناتوانێت بخەوێت.
1. پابەندبوون بەسیستەمی رۆژانە، هەر كردارێك بەرلە نووستن ئەنجام بدرێت، ئەوا كاریگەری راستەوخۆی دەبێت لەسەر شێوەی خەوەكە، بۆ نموونە خوێندنەوەی كتێب و پیاسە كردن بەپێ‌.
2. تیشكی خۆر، بەركەوتنی تیشكی خۆر بەشێوەیەكی رۆژانە كاریگەری دەبێت لەسەر جەستەو پاشانیش لەسەر شێوەی خەوەكە، بەشێك لەتوێژەران پێیان وایە تیشكی خۆر مرۆڤ چاڵاك دەكات.
3. یارییە وەرزشیەكان : وەرزشی ئێواران كاریگەری دەبێت لەسەر نووستنێكی ئارام، ئەنجامدانی وەرزشیش لەبەیانیان خەوی ئێواران ئاسان دەكات.
4. خواردن، بەرلەنووستن ئەو جۆرە خواردنانە مەخۆ كە هەرسكردنیان ئاسان نابێت، چونكە رەنگە خەوەكەت لێ‌ تێكبدات.
5. گەرماو كردن، رای توێژەران بەو شێوەیەیە كە بەرلە نووستن گەرماو كردن خەوێكی خۆش و قوڵ بەمرۆڤ دەبەخشێت.
6. بەرز كردنەوەی پێیەكان بەرلە نووستن، جۆرە وەرزشێكی سووكەو كاریگەری هەیە لەسەر خەوێكی خۆش.

 

ئـ . كـ