شێرپەنجەی خوێن، ڕێگەیەك بۆ چارەسەری

27/06/2016 - 10:22 بڵاوکراوەتەوە لە هەواڵ/تەندروستی

 

 

 

هەوڵ و تێكۆشانەكانی مرۆڤ بۆ دۆزینەوەی چارەسەری ئەو نەخۆشیانەی كە تاكو ئێستا بەبێ‌ چارەسەر ماونەتەوە بەردەوامە.
رۆژنامەی نیویۆرك تایمز بڵاویكردۆتەوە، جۆرە چارەسەرێكی گونجاو دۆزراوەتەوە بۆ ئەو نەخۆشانەی تووشی شێرپەنجەی خوێنیان هاتوون.
سەرچاوەكە نووسیویەتی، دۆزینەوەی چارەسەرەكە لەڕێگەی خانە بۆماوەییەكان لەدەزگای بەرگری جەستەی مرۆڤە نەخۆشەكە وەك چارەسەرێك بۆ چارەسەری نەخۆشی شێرپەنجەی خوێن بەكاردەهێندرێتەوە.
لەئەمریكا تاقیكردنەوە لەسەر (30) نەخۆش كراوە، لەنێویاندا (5) كەسیان تەمەنیان لەنێوان (26 – 60) ساڵ بووەو (25) كەسیشیان تەمەنیان لەنێوان (5 – 22) ساڵیدا بووەو هەمووشیان بەدەست ئەو نەخۆشیەوە ناڵاندوویانەو نەخۆشی شێرپەنجەی لیمفەكانیان هەبووەو زۆرجاریش هەوڵدراوە چارەسەری ئاساییان بۆ بكرێت، بەڵام سەركەوتوو نەبوون.
لەلایەن خۆیانەوە توێژەران دەستیان كردووە بەچارەسەری ئەو نەخۆشخانەو ئەو ڕێگە چارەسەرە نوێیەیان بەكارهێناوەو دوای شەش مانگ لەبەكارهێنانی ئەو چارەسەرە لەكۆی ئەو (30) نەخۆشە (19) نەخۆشیان لەدۆخێكی ئاساییدا ژیانیان بەسەربردوەو ڕووەو باشتر چوونە، بەڵام حەوت نەخۆشیان كۆچی دواییان كردووە.
لەلایەن خۆیەوە (د. ستیڤان گرۆب) یەكێك لەسەرپەرشتیارانی ئەو لێكۆڵینەوە پزیشكیە رایگەیاندووە، لەنێو نەخۆشخانەی (فلادلفیا) ژمارەیەك منداڵی تووش بووی بەنەخۆشی شێرپەنجەی خوێن بوونیان هەیەو ئەو چارەسەرەیان لەسەر جێبەجێكراوەو ئێستاش تەندروستیان باشەو پێویستیان بەهیچ چارەسەرێكی تر نییە.

 

ئـ . كـ