هۆكاری لاوازی بینین بزانە !!

01/07/2016 - 18:54 بڵاوکراوەتەوە لە هەواڵ/تەندروستی

 

 

 

بەپێی توێژینەوەیەكی زانستی دەركەوتووە، بوونی جۆرە پرۆتینێك لەچاوی مرۆڤ كاریگەری نەرێنی لەسەر توانای بینین دروست دەكات.
(ئانا ستراندەر) پسپۆری نەخۆشییەكانی چاو لەزانكۆی (لۆند) ی سویدی و سەرپەرشتیاری لێكۆڵینەوەیەك لەبارەی هۆكارەكانی كەم توانایی بینین لەمرۆڤ، رایگەیاندووە : جۆرە پرۆتینێك هەیە لەناو چاو پێی دەوترێت (ئالفا گلۆبۆلین) و زۆرتر لەسەر هاوێنەی چاو كۆدەبێتەوەو شێوەیەك لەشلەمەنی وەردەگرێت و لەسەر هاوێنە رەق دەبێت و دەبێتە هۆی لاواز بوون و كزبوونی بینین و لەبەرەو بەتەمەن چوونیش لاوازی بینین زیاتر دەبێت.
لەبەشێكی توێژینەوە سویدیەكە باسی ئەوەكراوە، لەنێوان تەمەنی (40 – 50) ساڵی و دوای ئەویش لاوازی بینین ڕوو لەمرۆڤ دەكات و هێزی هاوێنەكانی چاو ڕووەو لاواز بوون دەچن.
ئانای توێژەرو شارەزا لەبواری چاو لەسوید رایگەیاندووە، لەئەنجامی ئەو توێژینەوانەی ئەنجامیانداوە بۆیان دەركەوتووە كە ئەو جۆرە پرۆتینە كاریگەری تەواوی هەیە لەسەر لاواز بوونی هاوێنەی چاو.

 

ئـ . كـ