گرنگترین چەكی ڕووبەڕووبوونەوەی قەڵەوی و شەكرە

13/08/2016 - 09:55 بڵاوکراوەتەوە لە هەواڵ/تەندروستی

 

 

 

لەگەڵ ئەوەی بادەم لێكۆڵینەوەی زۆری لەبارەوە كراوەو چەندین سوودی بەدوای یەكی دەركەوتووە، بەڵام توێژینەوەكان لەسەری بەردەوامیان هەیە.
پسپۆڕانی زانستی خۆراك ‌و تەندروستی لەزانكۆی (میسیۆری) ئەمریكا بەو ئەنجامە گەیشتوون كە بادەم لە داهاتوودا دەبێتە چارەسەرێكی سەرەكی بۆ‌ قەڵەوی ‌و شەكرەو دەكرێت لەچوارچێوەی ڕۆنێكدا بەرهەم بهێندرێت كە لە تۆوی درەختی بادەم دەگیرێت.
پسپۆڕانی ئەمریكی جەخت لەوە دەكەنەوە، گرنگترین تایبەتمەندی ئەو ڕۆنە ئەوەیە وەك چەكێكی كاریگەر لە ڕووبەڕووبوونەوەی هەردوو نەخۆشی شەكرەو قەڵەویدا بەكاردێت، كە لە ئێستادا بڵاوترین نەخۆشین لە جیهاندا.
لێكۆڵینەوەكە نیشانیداوە كە زیادكردنی ڕۆنی بادەمی كێوی بۆ بەرنامەی خۆراكی مشكەكان، هەستیاری ئەو ئاژەڵە لەبەرامبەر ئەنسۆلیندا زیاد دەكات، هەروەها ئەو ڕۆنە لەسەر سێ‌ جۆر لە میكرۆ ئۆرگانیزمەكان لەڕیخۆڵەی مشكەكاندا دەژین ‌و كاریگەرن كە زیادكردنی هەستیاری ئەنسۆلینیش یەكێكە لەو كاریگەرییانە، بەمەش دەگەینە ئەو راستیەی كە بادەم خواردنی بە شێوەیەكی ئاسایی و هەروەها رۆنەكەشی چارەسەرێكی گونجاون بۆ قەڵەوی.

 

ئـ . كـ