بزانە كەرەوز بۆچی باشە

24/08/2016 - 09:29 بڵاوکراوەتەوە لە هەواڵ/تەندروستی

 

 

توێژەران لەزانكۆی میسۆری ئەمریكا ئاشكرایان كردووە، ئەو پێكهاتەیەی لەناو كەرەوزو پێكهاتەكانی تری ڕووەكیدا هەیە، دەكرێت یارمەتی وەستاندنی هەندێ خانەی شێرپەنجەی بدات، بەتایبەت شێرپەنجەی مەمك، كە كار لە گەشەی ئەو خانانە دەكات.

توێژەران لەم لێكۆلینەوەیەدا هەڵساون بەپێدانی پێكاهاتەی (ئەپایگینین) كە لەناو كەرەوزو هەندێ ڕووەكی تردا هەیە، بەو مشكانەی تووشی جۆرێكی دیاریكراوی شێرپەنجەی مەمك بونەتەوە، دواتر بۆ توێژەران دەركەوت كە ئەو مشكانەی ئەو پێكهاتانەیان خواردووە، ئەوا كەمتر تووشی وەرەم و درەنگ پێكهاتنی وەرەمی شێرپەنجە بونەتەوە، لەچاو ئەو مشكانەی ئەو پێكهاتەیان پێنەدراوە.
هەروەها توێژەران لەو باوەرەدان كە ئەم دەرئەنجامە كاریگەری لەسەر ئەو ئافرەتانەی هەیە، كە هەندێ چارەسەری هۆرمۆنی بەكاردەهێنن.
زانایان دەڵێن، ئەو مشكانەی تووشی پێكهاتەی (MPA) ی بونەتەوە، كە ئافرەتان لە چارەسەركردنی هۆمۆنیدا بەكاردەهێنن، ئەوا بەشێوەیەكی خێرا كاری گەشەی وەرمی مەمك پەرەدەسەنێت.
هەروەها بەپێی وتەی توێژەران پێكهاتەی ئەپایگینین رێگە لە پێكهاتنی مولولەكانی تازەی خوێن دەگرێت، بەمەش گەشەی وەرەم دوادەخات.
پێكهاتەی ئەپایگینین بەشێوەیەكی زۆر فراوان لە كەرەوزو سێوو پرتەقاڵ و چەرەزات و پێكهاتەكانی ڕووەكیدا هەیە، بەمەش ڕۆژانە خواردنی ئەو سەوزەو میوانە دەكرێت ڕێگە لە مەترسی تووشبوون بە شێرپەنجەی مەمك بگرێت.

 

ئـ . كـ